Página inicial > FSM > FSM 2010 WSF > Publika konsulto pri la temaj aksoj por 2011

Dakaro

Publika konsulto pri la temaj aksoj por 2011

sexta-feira 10 de setembro de 2010, por WSF News/Noticias FSM , WSF News/Noticias FSM

Todas as versões desta matéria: [English] [Esperanto] [Español] [français] [Português]

Vi kaj/aŭ via organizaĵo devas sendi, plej malfrue, ĝis la 10an septembro viajn kontribuojn por la fundamentaj temaj aksoj de la Monda Socia Forumo en Dakaro (Senegalo). La aksoj celas strukturigi la fizikan spacon de la MSF, la distribuon de la memorganizitaj aktivecoj kaj plifaciligi la komunikadon inter la sociaj retoj kaj movadoj, grupoj kaj partoprenontaj kampanjoj de la forumprocezo, garantiante pli bonan konvergencon kaj artikuladon inter ili. La Monda Socia Forumo Dakaro proponas la 11 sube listitajn temajn aksojn, konsiderante la nunan konjunkturon en la internacia scenejo, la organizitajn kontraŭbatalojn kadre de la sociaj movadoj kaj temojn rilatitajn al afrikaj kuntekstoj:

1. Favore al homa socio fondita sur komunaj principoj kaj valoroj: digneco, diverseco, justeco, egaleco inter ĉiuj homoj, sendepende de genro, kulturo, aĝo, handikapo, religiaj kredoj, sano, kaj favore al la forigo de ĉia opreso kaj diskriminacio bazitaj sur la rasismo, ksenofobio, kastsistemoj, seksorientiĝo kaj aliaj.

2. Favore al vivmedia justeco, al la universala kaj subtenebla aliro de la komunaj posedaĵoj flanke de la homaro, al la planedkonservado kiel vivfonto, ĉefe de la tero, akvo, arbaroj kaj ĝangaloj, la renovigeblaj energifontoj kaj la biodiverseco, garantiante la rajtojn de la indiĝenaj, originaj, tradiciaj, aŭtoktonaj, denaskaj popoloj sur iliaj teritorioj, resursoj, lingvoj, kulturoj, la identeco kaj konoj.

3. Favore al la apliko kaj efektiveco de la homaj rajtoj –ekonomiaj, sociaj, kulturaj, vivmediaj, civilaj kaj politikaj– speciale la terposedrajto, nutro suvereneco, nutrado, socia protektado, sano, edukado, loĝejo, dungado, deca laboro, komunikado, kultura kaj politika esprimado.

4. Favore al la libereco de moviĝo kaj setlado de ĉiuj, aparte en la kazo de la enmigrintoj, la azilpetantoj, la viktimo de komerco kun homoj, rifuĝintoj, indiĝenoj, originaj, tradiciaj, aŭtoktonaj,, denaskaj popoloj, la minoritatoj, homoj sub okupado, en milita situacio kaj konfliktoj, kaj por la respekto al iliaj civilaj, politikaj, ekonomiaj, sociaj, kulturaj kaj vivmediaj rajtoj.

5.Favore al necedebla rajto de la popoloj al la kultura heredaĵo de la homaro, por la demokratiigo de scioj, kulturoj, komunikado kaj teknologioj, alttaksante la komunajn posedaĵojn kun la celo videbligi la subjugitajn sciojn kaj ankaŭ favore al la fino de la hegemoniaj scioj kaj al la privatigo de scioj kaj teknologio, fundamente ŝanĝante la sistemon de rajtoj de intelekta propreco.

6. Favore al libera mondo, de kapitalismaj strukturoj kaj principoj, de la patriarka opreso, de ĉiaj dominadoj flanke de la financaj potencoj, de la transnaciaj entreprenoj kaj de malegalaj komercsistemoj, kolonia dominado kaj dominado pro ŝuldoj.

7. Favore al la konstruado de socia, solidara kaj emancipita ekonomio kun daŭripovaj modeloj en la produktado kaj konsumado kaj kun justa komercsistemo, kiu metu centren la prioritatojn kaj fundamentajn bezonojn de la popoloj kaj la respekton al la naturo garantiante redistribuajn sistemojn kun mondaj impostoj kaj sen impostaj paradizoj.

8. Favore al la konstruado kaj ekspansio de demokratiaj, politikaj, ekonomiaj strukturoj kaj institucioj en loka, nacia kaj internacia niveloj kun la partopreno de la popoloj en la decidprenoj kaj kontrolo de la publikaj aferoj kaj de la resursoj respektante la diversecon kaj la dignecon de la popoloj.

9. Favore al la konstruado de monda ordo bazita sur paco, justeco kaj homsekureco, la jurisdikcio, etiko, suvenereco kaj memdifino de la popoloj, kondamnante la monpunojn kaj favore al internaciaj leĝoj pri komerco de armiloj.

10. Favore al la plivalorigo de la afrikaj historioj kaj bataloj, tiel kiel al ĝia diasporo kaj kontribuo al la homaro, rekonante la perforton de la koloniismo.

11. Favore al kolektiva pripenso pri niaj movadoj, pri la procezo de la Monda Socia Forumo mem kaj pri niaj estontaj perspektivoj.

La registriĝoj kaj “aglutinado” de la memdirektitaj aktivecoj komenciĝos post la konsulto.

Prijuĝu ĉu viaj bataloj kaj temoj estas inkluzivitaj en la proponataj aksoj kaj sendu viajn kontribuaĵojn plej malfrue ĝis la 10a de septembro al la retadreso: consultation@forumsocialmundial.org.br


Ver online : WSF


Teksto tradukita de tri estraranoj de Meksika Esperanto Federacio; Mallely Martínez, Morayma Martínez kaj David López, prezidantino, kasistino kaj membro, respektive. La finan tradukkontrolon faris Martin Schäffer, ĝenerala sekretario de Germana Esperanta Asocio.

WSF Ciranda